见过家长好事近　庄思敏拍剧考验男友定力-热点指南

最近艺人庄思敏（Jacquelin）与台湾男友Brian蜜运中，她出席晚宴时表示已见家长，新年期间亦可能会放假向双方家长拜年，但要视乎假期日数才决定能否去齐马来西亚及台湾两地。

问妈咪对男友Brian的评价，她表示OK：“其实妈咪都冇咩要求，最紧要我开心锺意。（有冇催婚？）冇呢啲，我细佬结咗婚，妈咪觉得佢未结之前就想佢快啲，但到嗰阵又唔舍得。（生小朋友？）我细佬生咗两个女，所以满足咗佢抱孙嘅想法，我就随缘，好大压力嘅，又好似重新读过一次书咁。”

讲到维持异地恋，她承认是颇麻烦，一个月大约见两、三次，由于最近开始入剧，届时会变得忙碌，相信是一次考验：“佢开始发觉我夜晚挂住开工，同唔到佢倾电话。（叫佢养你，等你唔好做？）佢又养唔到我喎！（怕唔怕你陪唔到佢，佢会去曳？）唔担心，呢啲系基本信任，要曳嘅话，系咪成日陪往都可以。”